Swim Archives - Andrew and Pauline's Blog

西貢得生綠洲 – Kannie的第一次的狗泳池游水!

星期六的下午無特別時plan, 知到好友Henry會帶Woody去西貢得生綠洲…! 其實一直都好想帶Kannie去試下,因為我地帶過佢去沙灘游好多次水都好大浪搞到Kannie好驚, 希望今次去泳池佢會玩得開心啦 馬上出發! 地址係: 香港新界西貢美源街 泊車可以係西貢 滘西洲賽馬會公眾高爾夫球場停車場 泊好車行行去好方便 :) 第一次去要比$30登記費,要scan晶片同埋磅重, 救生衣有得租,我地一早買左就唔洗租了…. 每隻入場既狗仔都要帶一條狗帶… 同埋落水前要沖沖身 之後就….落水玩!係池入面會有人幫手教D狗仔游水, 佢地都好細心,工作人員值得一讚! 睇黎….游水都唔係佢最鍾意既野 XD 黐住人地做咩呀你 有沖身同埋吹身區,不過就唔可以用Shampoo, 如果可以就好了,游完水沖埋涼,fit 晒!!:P 不過一定會搞好耐,所以佢地唔比 ————————— 經過今次既試驗,Kannie 係唔太喜歡游水的, 見其它狗會衝落水玩,但係Kannie就好想上水玩多 XD 不過就真係好啱消暑既,行唔到山到玩到水嘛 —————————– 西貢得生綠洲 開放時間 星期一,三至六: 10am﹣6pm 星期日:2pm﹣6pm 星期二休息

大潭郊野公園 – 潭崗石澗 – Tai Tam Country Park Swimming Hole

大潭郊野公園 – 潭崗石澗 成日講行大潭水塘,但其實大潭水塘其實有四個,: 大潭上水塘、大潭副水塘、大潭中水塘及大潭篤水塘 加埋就成為港島食水的主要來源,統稱為大潭水塘群… 今次就去左大潭道作為起點既大潭篤水塘上去參觀潭崗石澗… 外國人叫佢做 Tai Tam Swimming Hole 既地方! 大潭道其中一個好有趣既路段就係要係條好窄既水霸上揸車行過… 其實都有少少技巧,跟大隊實無死 :P 我很喜歡同我一齊行山既人講…. 英國政府真係為香港尼個殖民地帶黎好多好靚既野, 如果無比英國管治過你話點會有咁靚既水塘? 潭崗石澗其實系係港島徑第六段大潭崗乎近,但係如果想最快去到都係由大潭道開始吧, 下面紫色就係今次路線…. 大潭水塘道一直入20-30 min 就會會合港島徑,轉左再行15mins 到就會見到入口位 入口就係咁…不過條路真係唔好行,好多位好跣,手腳並用….要好好好好好小心,否則真係好危險 落山既路唔係好長,大概4-5 層樓高,落到尼好靚真係另一境介!! D水好清,睇到好多魚同埋蝦仔! 影相果個點影架… XD 玩左一個鐘就要走了,爬返上去總比落山容易 香港其實有好多地方好靚的, 比心機會發現好多關於香港既informatiom, 慢慢發現也是樂趣之一呢 :D ____More Blog Post!___ http://www.wildconqueror.com/web/outdoor802/TamMound.htm...

大嶼山石壁,分流灘,二澳,大澳之旅 – Lantau Sek Pik to Fan Lau Hike!

話說水嘮嘈石澗比人改左個好靚既名, 叫做 Tai O Infinity Pool 之後就旺過旺角, 吸引起左我同Justin對於大嶼山石壁二澳同分流東, 分流西灘既興趣…. 所以決定左今次既行程 :) ! 今次條路其實亦即係鳳凰徑既第七同第八段, 全長 +-17km, 不停行快既要大概四個鐘,慢慢欣賞風景影下相飲下野既就6, 7 個鐘啦 今次都係由中環碼頭出發去梅窩, 實在怕東涌的巴士站,假日實在是太多人了….又船又巴士,去到石壁水壩站既 起點時以經 1:30pm 了… 起點的路平坦好走,就行快一點,等一陣可以多D時間嘆風景! 沿途風景好靚,和港島同埋西貢的風景又有另一種感覺 遠望索罟群島,其中一個大鴉洲就係以前越南船民羈留中心,而家個島以經無用了… 簡單search過好似無常班船去,但係有D友晟旅遊會搞團帶人去既,有機會一定會要參加睇下 :) 沿途有好幾個瀑布,三十幾度可以濕條毛巾洗洗面實在太好了 瀑布下面有幾個水池,水很清… 行個零鐘就會見到分流路牌了 雖然行埋分流要多至少一小時,但係風景咁靚就咩都賺返晒啦!我地都勁high, 好想快D落去沙灘睇下,點知…. 分流東灘多垃圾到爆!! 唔洗講,一睇D垃圾又係寫晒簡體字….點解!!   搵個位休息下, 因為驚中途無士多補給,買左D水果做snack… 然後就入分流村過去分流西灘再去二澳,就會見到陳記士多, 老闆係個本地退休消防員,很好人很健談,我地吹左15分鐘水,...

Stanley Beach Dog Playing!

我的娛樂,寫blog 絕對係我娛樂既其中一種。 喜歡寫作嗎?絕對唔係。但係逼下逼下又真係會慣左…但係最近比 GTA 隻game 搞到多左個娛樂,個blog 就靜返落黎lu 差唔多玩完隻game (其實仲有17% incomplete 同埋未開始 GTA Online), 都係時候 清返D 未post既野lu! 今個夏天我地再接再勵教Kannie遊水,但係今次由Pauline任教 準備多左件浮水衫比佢,睇下佢會唔會咁驚啦 睇下佢幾咁開心 (兩個都係):D 落水! 但係果日太大浪喇,真係唔係好得,我都覺得大浪,何況隻24磅狗仔?? hahaha。。。2013試水失敗, 2014夏天要搵過個無浪既日子先得!

中秋西灣露營 – Camping at Sai Wan!

一年一度既露營揀左係中秋節後一日去, 未試個full moon去露營, 秋天來個 under the moonlight 晚餐應該好爽吧 超強颱風天兔兩日後就到達,暴風雨前夕特別好天氣, 又好好彩係北潭涌搵到車位,好開心就無為意跳上左架紅的士….. 係西貢搭紅的士係好錯既事…. 1 – 佢地真係無本地薑綠的咁熟路 2- 佢地係貴D架!!!!!*&( 結果我就中晒….搭開由北潭涌去西灣亭只要大概$45 今次個紅的士司機唔熟路仲要勁無禮貌,十問九唔應,你識路我教你就聽啦 仲同我拗。。。結果$45路程搞到$70,見佢咁無文化都費鬼事要佢減番行錯路既錢 落車後真心真心祝佢無生意唔好再害人就算,唔好再影享我今晚camping relax 既心情!! 大家認住Pauline尼個 glasses look 喇,去埋今次沙灘,佢就要做Lasik, 要同水上活動say bye bye 一個月。。。好番時都十一十二月lu 無得去玩 西灣既右手面好靚個灘唔知做咩勁高潮。D人過晒黎左面個灘 起好我地個營。。。大大話話個Tent用左 最少10年。 NorthFace D 野真係好襟,係就係貴少少,但係歎足十年又無穿無爛都叫做物超所值吧 我地格離個Tent勁細…做乜鬼野呀…. 追月晚上月亮都好大好圓 :)...