miniature schnauzer Archives - Andrew and Pauline's Blog

元朗雞公山唔係西貢雞公山之雞公山

今次又係香港有兩個同名山之元朗雞公山唔係西貢雞公山。 雞公山其實係雞公嶺既副峰,374米高…係元朗, 沿途無任何樹木檔太陽,好天晒死,大風吹死,落雨濕晒 大陸霧薶吸晒。。。好多碎沙石路不好行, 但就係就係無野阻住景觀很好咁囉 — 點去— 逢吉鄉路泊好車就搵絲帶路上就係咁。 就係咁,行得雞公山就要記得帶帽,做好防晒 Kannie 就係咁搵有影既地方避晒… 錦田/石崗原來係山上面睇落黎就係咁 影完張相後無耐就有大陸霧霾突襲。。。由右至左D污染物好恐怖! 就係咁,錦繡花園就活於霧霾之中….:S 行左大概30-45min 就到雞公山發射站….大陸霧霾真掃興 再上多十分鐘就到雞公山頂三角測量柱了 上山落山係碎石路,有手套就最好 :) 到達雞公山頂,睇到明確路線去主角雞嶺,雖然好相瘋狂行晒佢, 但係時間及糧水不足,下次先去好了…. 沿路落返去逢吉鄉路,由呢個位落去大概要40mins吧 而家行山要抱住20+lbs既Kannie, 有陣時會聽到D人閒言閒語 話做乜要咁辛苦,隻狗都唔鍾意啦咁咁咁… 我好鍾易聽到D人咁講 因為聽到真係會remind到我自己睇野唔好淨係睇表面 :) 下次要準備好D上雞公山了…

港島有個西灣山

香港有兩個西灣山, 香港島柴灣一個 Sai Wan Hill, 新界西貢一個叫Sai Wan Shan。 今次我地參觀既係柴灣既港島西灣山,唔上去都唔知原來一個睇日落好靚既炮台! — 點去— Google Map “鯉魚門公園及度假村” 後自己諗瓣法泊車,個上山入口就係度假村門口好易搵的 小心呢個鯉魚門唔係九龍,係柴灣。唔好去錯地方! 要上既山路真係好短既1.5km, 真係話咁快就到! 好快就見到個軍火庫 沿途都會有呢D介紹牌,好一個地方重溫歷史,總好過淨睇書吧。 梗係要搵三角測量柱啦,多得呢D柱我地去多左好多地方! 見到水樽雙好開心的Kannie… ……..Related Article…… http://topick.hket.com/article/1471094/筲箕灣20分鐘登西灣山%20賞炮台日落黃昏

尖山 (鷹巢山) 山頂路線!

突然而來的二月好天氣, 由原本每星期都去既山頂路線改為九龍區既尖山(305m) 同琵琶山(223m)! 點去? 因為要帶Kannie既原故,發現延坪路可以泊車, 而openstreetmap又話會有條路上…. 而入口就係Pauline後面條小小小斜路! 起段好斜,但好在有有心人縛好索帶 :) 總之就係跟住openstreetmap 條路線行行行 跟住就會merge到鷹巢山自然教育徑,但係我地會係路牌後面爆林再上… 再跟住地圖行…. 終於到達尖山(鷹巢山)山頂,同支三角測量柱影相 :D 由尖山山頂睇九龍香港島… 跟住落山既路都不容易,要好小心 跟住上琵琶山…有好多馬騮… 搵唔到琵琶山三角測量柱,就係最高處影張相算了 View 360 HERE! 再行返鷹巢山自然教育徑返去延坪路…. 最後返屋企經過深水埗-小食部,食到好好味咖喱魚蛋! 魚蛋有魚味(好耐無試過了…) 再加上為Curry expert 既Pauline 都話好味既咖喱”醬” (味度好bold, 汁不適合作形容) 有機會一定會再食過!   :)

鳳凰徑上蓮花山路線

話說上左大東山之後唔夠喉, 行鳳凰徑一段出梅窩時見到蓮花山係途中, 見有時間就上埋呢一個香港第六高既山 — 蓮花山(766m)! 睇住地圖行鳳凰徑時會見到呢一條T字分差路,一直行就係 原來上蓮花山既路好多碎石,要好小心,手腳並用:) 有點少得主角 Kannie 呢 今次好大霧,如果無霧既話應該會好好風景,有機會一定會再來!

大東山路線

大東山(869m) 全香港第三高既山頂。 由佰公拗 (331m) 開始上奇實真唔算太難,行開山一定無問題  :) 今次個plan 就係行鳳凰徑2段, 上大東山,再行鳳凰徑1段,然後出返梅窩晚飯! —————點去————— 因為要帶埋隻狗仔Kannie上大東山 所以我地要由中環碼頭搭船入梅窩, 然後搭的士上佰公拗( 車程大概$75) ———————————- 自從大東山芒草比人係十月十一月係咁 post 上 facebook/instagram 之後又出左名, D人話上山既人多到要排隊之後, 大東山真係多左人去。 上山既路大概2km吧,當日好大霧,無咩景好睇, 不過今次既目標係上到山頂,要影相下次吧。 大東山山頂跟住地圖很容易找的 而家係一月,D芒草凍死晒,無咩野好睇,專心行山好快就到 去到大東山頂之後,原本諗住去埋 二東山睇爛頭營,但係太大霧了,決定不花時間去,等下次好天先去吧 :) 回程時見到蓮花山好似好過癮,見有時間就”順便”去埋吧, 下一個post 先講吧 ! ____ More Blog Post! ____ http://photoblog.hk/wordpress/138570/深秋大東山外攝遊-加開 http://photoblog.hk/wordpress/138996/大東山「旺過旺角」,是景點太少抑或人口太多?...