Bus Archives - Andrew and Pauline's Blog

赤柱黃麻角道斜炮頂點去 – Stanley Che Pau Teng

香港島赤柱黃麻角道尾既斜炮頂其實都想去好耐,重點其實系因為 背面個白沙灣系google map 睇好似好靚,睇地圖就要垮過個山先去得到… 今次Pauline 唔系香港,我就當探下路吧…  赤柱其實好特別,1841年英國有記載話住係香港度既4280位 原住民入面既其中2000人就係住係赤柱,算係香港島最先開發的地方! 當日由赤柱市集經聖士提反灣出發,直入黃麻角道…. 如果睇地圖中途會有一個入口,但係當日我試過上去,結果係無正路行,要就要爬石坡, 永遠都本著安全至上的原則,所以放棄了…. 不過上左去就可以睇番整個聖士提反灣同赤柱,都是第一次從尼一個角度看下去 :) 如果大家因為新巴14線,又或係城巴6A線而見到 “赤柱炮台” 為總站既牌而吸引到, 覺得唔知會有D咩特別野睇而又真系搭到埋站既時侯,你系會好失望,因為 赤柱炮台系位於中國人民解放軍駐香港部隊的赤柱軍營入面,屬於軍事禁區。是不能夠參觀的… :( 斜炮頂入口就係黃麻角道尾,軍營大閘知前 上山的路都好明顯易行…. 起點以經係100m 高, 個山177m 高山…. 77m, 35層樓高好快就到! 幅圖既右面就係去犀牛石同埋落白沙灣既小路,但係條路D植物生得太高太密了, 前路都睇唔清….都係安全至上,算了…完路折返,完成! 下次再來帶埋Pauline 同 Kannie, 咁Kannie 就上香港D山上得七七八八了 :) ___More Blog Post to Share!___...

潮州旅遊 – Chaozhou Travel (Part 5 of 5) – 潮州夜市,潮州交通,潮州長途車站

新橋路我估都係潮州市夜晚最多野行既街,好多鋪頭都開到十一點。。。 真係亂咁黎,成架車揸左上行人路, 最勁係連個司機都好似唔知點解自己架車會揸到上行人路咁, 勁迷網咁既樣, 死唔死 -_-“ 試左個好好味既肉鬆蛋餅,可以自己試下整呢 潮州粥,都算係出名吧,不過我又係唔敢試 :P Ditto 迪圖。好名好名! 有陣時真係會覺得中國人好有創意 潮州長途車站就係潮州賓館對面,好易搵的 搭三輪車真係好方便 返香港果程我地無搭粵港巴士,原因係佢地得一班車,班車每日開7am, 太早了,所以就決定一試搭內陸長途車,由潮州去深圳羅湖, 每日三班,RMB$140 又係400km, 80km/hr, 5個幾鐘就到深圳羅湖 大陸長途巴士比香港既過境巴士新,行車時有兩個司機亦都更加安全! 今次潮州之旅終算係了結左我同Pauline既一個問號, 潮州,汕頭,汕尾甚至普寧都了解多咗:) 下次就向福建出法了。

潮州旅遊 – Chaozhou Travel (Part 1 of 5) – 交通,潮州賓館

其實由細到大到身邊都有唔少潮州朋友, 令到我係無論食物或者系佢地既潮州文化都非常好奇 但係無奈要搭長途車去潮州真係一D都唔容易,又唔識路 又唔識聽,今次多唔少係頂硬上試下自由行啦 —————————————————————————— 香港去潮州真系一D都唔簡單,離開香港400km 左右, 交通只有火車同埋長途巴士….我地由香港島發, 經過研究,由香港去潮州選摘有三… •  1) 火車   • 如果搭火車要我地先要花時間過關上深圳, 仲要花時間等火車停站, 之後計過加加埋埋D時間可能要成 9-10 個鐘 :| •  •  2) 深圳搭長途巴士  • • 都系要自己先上深圳,當時又唔知點樣買票都系算了 • • •  3) 香港搭長途巴士  (HK$180 /pax) • • • 從香港出發去潮州就只有 粵港汽車運輸聯營有限公司 由九龍出發,一點三由紅磡出發經沙頭角去 汕頭,然後落一次客就再去潮州市 全長420km, 1:15pm...

長沙泳灘

每年都總有D地方每一年都會好想去一次先開心 長沙泳灘 就係其中一個!! 水靚, 沙靚, 人唔太多又有野食 Stoep 係我地好喜歡既餐廳, 但係今次無去, 下次吧 http://www.openrice.com/restaurant/sr2.htm?shopid=6739 沙灘有牛都算係大嶼s泳灘既特色了 往年長沙D水到會有好多水草, 今年無喎, 但係就好多青口… 唔知會唔會係D青口食晒D水草呢 玩到太陽落山, 係時候返出碼頭搵野食lu 最後揀左間係梅窩碼頭間百佳隔離既羅馬餐廳, 食左 Pauline 第一次係香港食既鐵板餐, 大件夾抵食:P 又係圓滿既一日了!!