貝澳 Archives - Andrew and Pauline's Blog

芝麻灣郊遊徑

行晒鳳凰徑之後我同Justin都期代我地叫做”Bonus Track” 既芝麻灣郊遊徑。 — 跟據漁護署網站:— 大嶼山七條郊遊徑之中,以芝麻灣郊遊徑的路程最長,它是一條環島徑,起點和終點同設於十塱營地。 芝麻灣半島位於大嶼山東南部,三面環海,途經貝澳灣、望東灣、二浪澄碧邨及大浪村。澄碧邨沙灘有一座唐代 (公元618-907年) 灰窰,已被列為重要古跡。 路徑隨而轉出龍尾,東行2.5公里的下徑,是著名景點「石景觀奇」所在。眾多巨型石塊遍布整個山頭,其中以花崗石居多,因岩石風化、侵蝕與沖刷而形成。由此外望,是北長洲海峽,這裏往來船隻頻繁,是港澳必經水路之一。 再前行3公里,芝麻灣水塘掩映於林蔭深處。水塘約建於1955年,食水供應長洲及鄰近地區為主。水塘西南是高303米的老人山,設有山火瞭望台,監察附近地區的山火情況。 難度:4/4 全長:18.5 公里 需時:8 小時 —– 淨睇介紹都以經嚇死人,難度又4/4,長度18.5 公里,需時又話要8 小時。 但係其實條trail 我覺得係overrated 咗,2/4難度啦,需時4-5小時是無大問題的… 最後我地reward左自己去食超抵羅馬餐廳鐵板餐!

逆走鳳凰徑12-11段

呀Justin終於有時間同我繼續開發香港長途徑… 今次想行既係鳳凰徑,全長70公里, 我地諗要分開三、四次先行得晒。。。 因為佢太耐無行驚攪唔點鳳凰徑開始既二東山+鳳凰山段, 所以我地決定逆走! 今次十二段同十一段全長13.5km,我地係梅窩食完飯就起程, 一點幾先起步,行得幾多就幾多啦… 鳳凰徑網上介紹有好多,我不作多寫了… 又搵到支三角測量柱 – 大牛湖頂 275m 高。背面貝澳一覽無遺 美麗的貝澳,亦都係我地要去既其中一個地方 曾經係我同Pauline都喜歡既貝澳泳灘。。。自比強國人攻陷之後都兩三年無黎過了… 十一段由貝澳去東涌道非常易行  —- More wordpress blogs! —- http://hiking.gov.hk/chi/longtrail/ltrail/ltrail.htm https://xiamutiaotiao.wordpress.com/2016/03/10/驚蟄行山東涌鳳凰徑第九段/ http://www.oasistrek.com/lantau_trail.php https://horrypong.wordpress.com/2005/12/26/鳳凰徑4-7段/

下長沙泳灘 Lower Cheung Sa Beach

上長沙加埋下長沙泳灘就係成個長沙…. 長沙係全香港最長既沙灘, 其實水質同沙既質素真係好一般 需然佢山長水遠, 但有蜆摸, 有好野食, 弄潮兒(係我知, 咁叫好老土, 但係我應該寫咩吖?)比西貢或石澳少 總會有D吸引力既 :) 香港地水域真係度度都有唔同海產 石澳赤柱就多海膽 長沙貝澳就好多蜆同貝殼類 西貢魚夏蟹連海星乜鬼野都多! 租沙灘傘唔知點解比埋大剷我玩, 心諗有咁好機會梗係唔會放過佢啦….. 首先起返長beach chair 歎下先 XD 唔知點介掘掘下越掘越大個窿, 一大個火山口咁… 連付近D小朋友都話未見個咁大個”窿”, 問我話可唔可以參觀一下 :D HAHAHAHHAHA  識貨!! 我話當然無問題啦 跟手位小朋友仲話要起條坑比D水流入個窿度, 雖然我心裡梗係知度唔work 啦, 但係我就唔出聲係要比試, 男仔呀嘛, work 唔 work 都好, 總知從錯誤中學集係有佢既樂趣既 :)...