三角測量柱 Archives - Andrew and Pauline's Blog

坑口有個鴨仔山叫Duckling Hill!

鴨仔山153m高,又係因為Kannie病緊, 要揀D易行既山,所而簡簡單單去睇下鴨仔山啦! — wikipedia 話…. — 鴨仔山(英语:Ap Tsai Shan或Duckling Hill),又稱魷魚灣山,位於香港西貢將軍澳坑口至寶林一帶的一座小山。原來由坑口村直指至將軍澳魷魚灣,但後來鴨頭和鴨頸被平整,成為了今日的富寧花園及厚德邨。遊人可在此飽覽將軍澳坑口及寶林一帶景色,而北面可遠眺西貢海牛尾洲吊鐘洲。 — 點去? — 泊好車係銀影路爛地停車場過條馬路就係入口了….經過少女峰就係鴨仔山了 Google Map 地圖話呢個係少女峰….點知有四個呀毛係道打麻雀…! 可以欣賞牛尾海 好快就搵到鴨仔山三角測量柱 上完山,行回頭路返去清水灣路,但係我地唔行返上山,行山腳條路原來都好靚! 就係咁….簡單又靚既地方其實香港好多好多,好好發掘吧:) — More blog post — http://blog.ulifestyle.com.hk/blogger/thelittleadventurer/2015/08/將軍澳入門級行山路線➮沒有鴨仔的鴨仔山/ http://www.hike.hk/load.jsp?route=jbust&page=5

舂坎角仲又個舂坎山

舂坎角地方翹腳,搭車唔方便,揸車無掟泊,行路鬼咁遠, 除左做豪宅同埋個無咩人去水唔清沙唔幼既沙灘之外從來都係被大眾遺棄既地方…. 今次同Pauline同Kannie去搵支舂坎山三角測量柱 —點去— Google map 舂坎角路一直入到最入就係咁…. 我地首先係舂坎角公園行下先…..又發現有個張保仔洞喎, 今次要上山,下次先參觀啦。  要上舂坎山就要出返去主馬路 今次我地由南面維修坡上 :) 睇住絲帶加openstreetmap就搵到路上…先會見到一個炮台 再上就見到133m高既舂坎山三角測量柱… 係呢度Kannie又要食野然後打糖尿病針了… 左上面果舊嘢係openstreetmap 叫Snoopy Rock…., 咁我覺得南丫島菱角山隻Snoopy石似多好多lu 繼續爆林前往… Snoopy Rock 就係咁樣… — 舂坎山後記— 一去無防,再去就無謂了 More article on Chung Hom Shan http://www.oasistrek.com/chung_hom_shan.php

橫洲有片豬黃嶺

話說行完雞公嶺,見有時間又近近地, 就一於搵埋付近一個叫豬黃嶺既三角測量柱啦。 52m的一個小小山峰,好似話因為個山矮矮長長就好似隻豬仔瞓係度咁,所以就叫佢做豬黃嶺了 —– 點去 —- 橫洲東頭圍新村自己諗辦法泊好車,横洲古廟右面一直上5-10分鐘就到山頂 好多蚊好多蚊好多蚊 就係咁就上到頂點,沿途都好多晨運設施。。。睇黎呢度朝早好熱鬧 點知碌野無左大半節,應該是荒廢的了…. 就係咁落山走人…. 呢幢野又係攪乜…

元朗雞公山唔係西貢雞公山之雞公山

今次又係香港有兩個同名山之元朗雞公山唔係西貢雞公山。 雞公山其實係雞公嶺既副峰,374米高…係元朗, 沿途無任何樹木檔太陽,好天晒死,大風吹死,落雨濕晒 大陸霧薶吸晒。。。好多碎沙石路不好行, 但就係就係無野阻住景觀很好咁囉 — 點去— 逢吉鄉路泊好車就搵絲帶路上就係咁。 就係咁,行得雞公山就要記得帶帽,做好防晒 Kannie 就係咁搵有影既地方避晒… 錦田/石崗原來係山上面睇落黎就係咁 影完張相後無耐就有大陸霧霾突襲。。。由右至左D污染物好恐怖! 就係咁,錦繡花園就活於霧霾之中….:S 行左大概30-45min 就到雞公山發射站….大陸霧霾真掃興 再上多十分鐘就到雞公山頂三角測量柱了 上山落山係碎石路,有手套就最好 :) 到達雞公山頂,睇到明確路線去主角雞嶺,雖然好相瘋狂行晒佢, 但係時間及糧水不足,下次先去好了…. 沿路落返去逢吉鄉路,由呢個位落去大概要40mins吧 而家行山要抱住20+lbs既Kannie, 有陣時會聽到D人閒言閒語 話做乜要咁辛苦,隻狗都唔鍾意啦咁咁咁… 我好鍾易聽到D人咁講 因為聽到真係會remind到我自己睇野唔好淨係睇表面 :) 下次要準備好D上雞公山了…

港島有個西灣山

香港有兩個西灣山, 香港島柴灣一個 Sai Wan Hill, 新界西貢一個叫Sai Wan Shan。 今次我地參觀既係柴灣既港島西灣山,唔上去都唔知原來一個睇日落好靚既炮台! — 點去— Google Map “鯉魚門公園及度假村” 後自己諗瓣法泊車,個上山入口就係度假村門口好易搵的 小心呢個鯉魚門唔係九龍,係柴灣。唔好去錯地方! 要上既山路真係好短既1.5km, 真係話咁快就到! 好快就見到個軍火庫 沿途都會有呢D介紹牌,好一個地方重溫歷史,總好過淨睇書吧。 梗係要搵三角測量柱啦,多得呢D柱我地去多左好多地方! 見到水樽雙好開心的Kannie… ……..Related Article…… http://topick.hket.com/article/1471094/筲箕灣20分鐘登西灣山%20賞炮台日落黃昏

尖山 (鷹巢山) 山頂路線!

突然而來的二月好天氣, 由原本每星期都去既山頂路線改為九龍區既尖山(305m) 同琵琶山(223m)! 點去? 因為要帶Kannie既原故,發現延坪路可以泊車, 而openstreetmap又話會有條路上…. 而入口就係Pauline後面條小小小斜路! 起段好斜,但好在有有心人縛好索帶 :) 總之就係跟住openstreetmap 條路線行行行 跟住就會merge到鷹巢山自然教育徑,但係我地會係路牌後面爆林再上… 再跟住地圖行…. 終於到達尖山(鷹巢山)山頂,同支三角測量柱影相 :D 由尖山山頂睇九龍香港島… 跟住落山既路都不容易,要好小心 跟住上琵琶山…有好多馬騮… 搵唔到琵琶山三角測量柱,就係最高處影張相算了 View 360 HERE! 再行返鷹巢山自然教育徑返去延坪路…. 最後返屋企經過深水埗-小食部,食到好好味咖喱魚蛋! 魚蛋有魚味(好耐無試過了…) 再加上為Curry expert 既Pauline 都話好味既咖喱”醬” (味度好bold, 汁不適合作形容) 有機會一定會再食過!   :)

南丫島-北角山-大嶺村山頂遊

當港島D三角測量柱都去得八八九九, 我地就開始開發付近既地方,今次 南丫島-北角山-大嶺村山頂遊 就係想去搵南丫島北面既三角測量柱! 今日總共行左14km 1) 榕樹灣 2) 北角山 3) 南丫風采發電站後山 4) 南丫風采發電站 5) 南丫島大嶺村對上山 6) 蘆荻灣 7) 榕樹灣 http://www.openstreetmap.org/#map=16/22.2289/114.1159&layers=N 上北角山的路都算好行,需然無路牌但係小心D睇住地圖行好容易就搵到入口 北角山其中一個入口… 上北角山途中見到D越野單車,呢條路好好玩!又機會來試試 :D 北角山只係138m高,而支三角測量柱好特別,不是圓形是正方形的,唔知有沒有不同了。。。 跟住離開北角山。。。 本來諗住係shortcut,點知原來條路會去左個大風車後面果左山。。。  都係第一次咁近南丫風采發電站….好有趣的路線 條路線會駁返去南丫風采發電站….跟住我地就要搵大嶺村對上山果個三角測量柱了 由南丫風采發電站上大嶺山頂… 由南丫風采發電站上大嶺山頂好難行,要爆林先得,條路就係咁….行得好慢 好不容易就搵到南丫島大嶺村對上山既三角測量柱, 係openstreepmap上面都無list, 需然只係138m 高,但係條路真係好多障外物 第一次咁樣睇個發電廠 跟住就落蘆荻灣出返去榕樹灣返香港了 今次南丫島-北角山-大嶺村山頂遊 真係totally underestimate 左南丫島, 睇地圖以為可以去埋菱角山果面,一次過行晒成個南丫島D柱…. 今次行左四個鐘,總共14km….下次完成南丫島吧 :)...