We love dogs. We love hanging around with animals!

鯉魚門咀魔鬼山 Devil’s Peak 簡單遊!

年廿八,大陸收晒爐,香港D空氣即刻靚返晒,就趁好天去搵下 魔鬼山三角測量柱啦!聽聞山上面有仲炮台玩添… 魔鬼山 – Devil’s Peak (222m) — From Wikipedia — 該處扼守維多利亞港東面入口鯉魚門,並可遠眺香港島筲箕灣一帶, 具重要戰略地位。香港保衛戰前設立的魔鬼山炮台,至今仍可見其遺跡。 魔鬼山砲台點去 ? 係鯉魚門體育館隔離,直入村 ,過晒D食肆,見到衛奕信徑個牌直上就係 :) 先會經過鯉魚門燈塔,好大風,連Kannie個咀都吹到扁左!! 再直入先參觀鯉魚門咀,很特別的地放,有好多遺蹟,海水好清好靚。 跟住就沿住衛奕信徑上去搵魔鬼山頂! 222m 高山好容易 handle :) 從最高點睇將軍澳堆填區… 魔鬼山砲台一角 魔鬼山三角測量柱好易搵 360 Panorama HERE! 跟住想去搵埋照鏡環山三角測量柱,睇openstreetmap係有條路…最後…. 都係唔係路! 算了吧…安全最緊要!  ___ 後記 ___ 魔鬼山算係好容易而回報大的行山路徑,行原仲可以食埋海鮮先至返屋企都得添! ___ More...

西貢得生綠洲 – Kannie的第一次的狗泳池游水!

星期六的下午無特別時plan, 知到好友Henry會帶Woody去西貢得生綠洲…! 其實一直都好想帶Kannie去試下,因為我地帶過佢去沙灘游好多次水都好大浪搞到Kannie好驚, 希望今次去泳池佢會玩得開心啦 馬上出發! 地址係: 香港新界西貢美源街 泊車可以係西貢 滘西洲賽馬會公眾高爾夫球場停車場 泊好車行行去好方便 :) 第一次去要比$30登記費,要scan晶片同埋磅重, 救生衣有得租,我地一早買左就唔洗租了…. 每隻入場既狗仔都要帶一條狗帶… 同埋落水前要沖沖身 之後就….落水玩!係池入面會有人幫手教D狗仔游水, 佢地都好細心,工作人員值得一讚! 睇黎….游水都唔係佢最鍾意既野 XD 黐住人地做咩呀你 有沖身同埋吹身區,不過就唔可以用Shampoo, 如果可以就好了,游完水沖埋涼,fit 晒!!:P 不過一定會搞好耐,所以佢地唔比 ————————— 經過今次既試驗,Kannie 係唔太喜歡游水的, 見其它狗會衝落水玩,但係Kannie就好想上水玩多 XD 不過就真係好啱消暑既,行唔到山到玩到水嘛 —————————– 西貢得生綠洲 開放時間 星期一,三至六: 10am﹣6pm 星期日:2pm﹣6pm 星期二休息

城門水塘行一圈

城門水塘真係行山好地方,風景又靚又唔算太多山 :) 今次仲同埋薯仔一齊去玩! —— From Wikipedia—— 城門水塘(英语:Shing Mun Reservoir)是香港新界西南部的一個水塘,位於荃灣區城門谷一帶,為第一個把所儲存的水由新界區輸往港島區使用的水塘。為區別下城門水塘,城門水塘又稱為上城門水塘。亦因如此,廣義上,城門水塘是指上城門水塘及下城門水塘;而狹義上,城門水塘則是上城門水塘的真正名稱。由於落成年是當年英皇登基25年,上城門水塘亦被名為銀禧水塘。值得一提,由於整個城門水塘群剛好處於新界東與西的分界線上,上城門水塘被劃屬界線以西(屬荃灣區),下水塘則劃入界線以東(屬沙田區),所以,從廣義而言,城門水塘地既處新界西,亦處新界東。而貫穿兩地者便是1990年通車、同樣以該地地名「城門」命名的城門隧道,其共兩組隧道之間均以高架橋連接,並正正在下城門水塘和城門峽上方跨過。

鳳凰徑上蓮花山路線

話說上左大東山之後唔夠喉, 行鳳凰徑一段出梅窩時見到蓮花山係途中, 見有時間就上埋呢一個香港第六高既山 — 蓮花山(766m)! 睇住地圖行鳳凰徑時會見到呢一條T字分差路,一直行就係 原來上蓮花山既路好多碎石,要好小心,手腳並用:) 有點少得主角 Kannie 呢 今次好大霧,如果無霧既話應該會好好風景,有機會一定會再來!